13 Jun lalu den mewakili TMS menghadiri satu majlis ,'reunion TMS old boys/girls, kek Rest House Pilah. Dah tontulah den raso janggal joint majlis ni sobab dio orang ni jauh lobih senior. rata-rata umur dah 53. Lagi pun masing-masing sibuk berborak dan golak bosar bilo jumpo kengkawan yang dah bepuluh tahun tak jumpo. Walaupun dah tuo, den tengok, perangai bebudak semuo keluar bilo jumpo geng lamo. Pendek kato, gembiro amek-amek semuo yang hadir tu.
Paling mengejutkan den jumpo Cikgu Sunny 
Tilaka
Tilaka, cikgu PJ kito maso form 1 dulu. Masih sihat dio. Sekarang duduk kek Gedung Lalang, Seremban. Ingat lai tak sapo yang kono lompang pasal memain waktu dio ajar lontar peluru dulu?. Dio pencen tahun 1982.
Den tengok grup ni organise majlis dio memang hebat. Ado sorang guru dio, omputih dari Washington, USA, datang untuk meraikan majlis ni. Mr Tom ni ngajar kek TMS tahun 63 - 65, atas program Peacecop British Volunteer. Bilo sembang dengan dio, agak eh dio kesian tengok English den berterabur, dio pun cakap melayu. Mak aii.., respek den ,dio masih handal cakap melayu yang dio belajar 30 tahun dulu. bahaso Melayu dio " lobih baik daripado Sammy Vellu". Botul poik.
Ramai lagi cikgu lamo2 dulu datang, tapi hampir semua kito tak ponah jumpo. Cikgu Ismail, pun ado datang. Ni la wajah cigu Ismail sekarang. Sihat walafiat.
3 comments:
tahniah rad,byk bondo yg kau dapek drpd diorang tu camno nak organise program reunion.lg byk nostalgia klau dapek jumpo bila dah melangkau era 50-an.kito buleh buek lobih cantik dr ilham hr tu wpun kek ilham hr tu dah memadai dgn persiapan & perancangan kito
Insyallah...maso tu lagi sodih raso eh....KAYA
Salam..ckgu murad ble nk jdi pengetua lak?
Post a Comment